En Luneda apoiamos os procesos creativos, a experimentación artística e a formación na profesionalización, promovendo espazos de encontro e acompañamento. Pensamos, deseñamos, producimos e comunicamos eventos singulares, programacións a medida para institucións, marcas ou empresas.
Deseño e xestión integral de festivais singulares, ciclos de concertos e xornadas culturais coa música como centro
Produción, coordinación xeral e rexiduría de escenarios para eventos culturais de todos os formatos. Solucións.
Asesoría artística para programacións e feiras profesionais. Acompañamento creativo e formación na profesionalización musical para artistas.
O QUE NON SE ESCRIBE é unha proposta de aprendizaxe, reflexión e experimentación sobre o noso patrimonio sonoro, unha posta en común dos proxectos de estudo e de creación arredor da música tradicional desde unha óptica propia e contemporánea. Baixo este concepto, traballamos en tres liñas principais: a da investigación e o debate, a través de xornadas formativas e publicacións; a da escoita, a través da difusión de arquivos en diferentes formatos; e a da creación, promovendo concertos e residencias para a experimentación a partir da tradición oral.
Jazz de Ría é un festival de jazz pensado para a privilexiada Costa Ártabra. O entorno natural, a paisaxe e a tradición marítima e musical da comarca, inspiran este festival único que se desenvolve cada mes de agosto en espazos singulares de Narón, Neda, Cedeira e Valdoviño. A programación, cunha forte aposta polo jazz galego contemporáneo, deséñase para as localizacións, polo que a integración no territorio é total. A participación da veciñanza e a recuperación da memoria son tamén parte da filosofía do Jazz de Ría. Todas as actividades son abertas, gratuítas e accesíbeis.
Luneda Producións | Nave de Lata S. Coop Galega
