O universo de El Nido soa a tixola e lata de pementón, cheira a verbena moderna e sabe a xota e a praza. As súas composicións toman como referencia os sons e ritmos da música tradicional de Castela e León, como procura de orientación e identidade nun presente cada vez máis acelerado e convulso.
O seu último LP, “La Constancia” (2025), é unha visión absolutamente única da música tradicional desde o contemporáneo e o pop, mantendo a súa esencia vitalista, conmovedora e cada vez máis atrevida. Agudillos, jotas de ronda, ajechaos, charros e outros ritmos tradicionais de baile, seguen inundando a súa música, sempre vestida das sonoridades dos instrumentos domésticos que acompañaron sempre á tradición oral.
Despois dunha xira de presentación do seu primeiro LP, “Refugios a cielo abierto” (2022), que os levou a
máis de 150 escenarios, e de “TUCUCU”, un exitoso sinxelo xunto a Rodrigo Cuevas, os burgaleses El Nido afianzan agora con “La Constancia” unha proposta enraizada no riquísimo folclore ibérico, que resignifica a verbena contemporánea que precisamos.
“La Constancia” foi producido desde dúas olladas complementarias, a de Diego Galaz (Fetén Fetén) e a do
Hevi (Malandrómeda), e conta, ademais, coas colaboracións de Rozalén, Rodrigo Cuevas e Neomak