San Salvador é un concerto radical a seis voces, dous tambores, doce mans e unha pandeireta, combinando a enerxía e a poesía crúa da música popular co ritmo implacábel e hipnótico da percusión.
A banda de Sent Sauvador (Lemosin, Occitània) é unha das máis relevantes da world music actual. A partir do seu exitoso showcase en WOMEX 2018 comezaron a xirar por todo o mundo converténdose nunha das propostas máis solicitadas polos mellores festivais.
No 2021 presentaron “La Grande Folie”, o disco que os consolidou como a grande sensación da música trad europea. Desde ese momento, sucédense grandes xiras polos mellores festivais dos cinco continentes, sendo unha das formacións de referencia na world music actual.
