David Regueiro

Foto DRQ Camiño.jpg

DAVID REGUEIRO
 
XIRA 2021
PRESENTACIÓN DOS NOVOS DISCOS
AREAL (2020)
O CAMIÑO (2021)

David Regueiro, cunha ducia de discos editados, con centos de actuacións por diferentes países e co aplauso unánime de prensa e público, consolidouse coma un dos guitarristas de gypsy jazz máis prominentes do Estado.
 

En xaneiro de 2021 presenta "O CAMIÑO", un novo disco integramente de composicións orixinais para o que se acompaña de Pablo Castaño (saxo), Alfonso Calvo (contrabaixo) e Sergio González (batería). Neste novo traballo, editado da man da Fundación Vicente Risco e Xacobeo 2021, explora outras correntes do jazz inspiradas na música galega, levando un paso máis aló a carreira deste xenial guitarrista. Todas as músicas deste novo traballo foron interpretadas coa guitarra “Maruxa”, unha peza deseñada e construída especialmente para este proxecto polo luthier Carlos Sabrafén.
 

Co seu trío, no que se acompaña de Iago Reigosa (guitarra) e Juyma Estévez (contrabaixo), presentou novo disco en 2020, “Areal”. Este álbum, conformado por nove composicións de David Regueiro, está ubicado no jazz manouche, a corrente estética creada por Django Reinhardt, sen deixar de lado outras das súas influencias: o swing americano e o be-bop. O trío aporta unha visión rigorosa e respectuosa coa tradición ao tempo que fresca e innovadora.
 

Aínda inmerso nas presentacións de Areal, Regueiro dá un paso máis na súa carreira con este novo traballo, un disco que bebe da tradición galega non só no musical, se non na concepción do propio proxecto. O Camiño foi ideado a partir das sonoridades da guitarra de Carlos Sabrafén, construída especialmente para David Regueiro con madeiras galegas e cun deseño inspirado no Camiño de Santiago. Unha peza única para un disco único.

 

 

“Fraseo espectacular […] ganas de facer saltar polos aires todo convencionalismo”
Cándido Quero
l (B-Ritmos)


“Francamente, un moi bo traballo […] e isto é importante, o traballo de xente moi valorosa [...] Galicia terra de jazz”
José Manuel Pérez Rey (Distrito Jazz)


“Regueiro é un especialista, e un estudoso, do jazz manouche […] un exemplo máis
da vitalidade que desprega agora mesmo o jazz galego”
Jaun Ez (Distrito Jazz)


“Hot jazz por definición. Vigorizante swing”
Michael Ricci (All About Jazz)

 

Biografía


Tras realizar estudos de Guitarra, Educación Musical, Historia e Ciencias da Música en diferentes conservatorios (Ourense, Salamanca e A Coruña) e universidades (Complutense de Madrid, Salamanca e Royal Holloway de Londres) recibe clases dalgúns dos músicos con máis traxectoria a nivel internacional: Samson Schmitt, Brady Winterstein, Mozes Rosenberg, Adrien Moignard, Joaquín Chacón, Abe Rábade,
Paco Charlin, Albert Sanz, Peter Bernstein, Logan Richardson, Steve Brown, Philip Catherine, etc.


Ten tocado en Portugal, Alemaña, Reino Unido, Francia, Holanda… visitando asiduamente as salas máis importantes de Galiza e do Estado, así como en abondosos festivais de jazz: Festival Internacional de Jazz de Ourense, Festival de Jazz de Lugo, Imaxinasons , Nits per Django de Barcelona, Festival de Jazz de Ribadavia, Festival de Jazz de Salamanca, Nigranjazz, Villamajazz (León), Canjazz - Festival Internacional de Jazz de Cangas, Festival Más Que Jazz (A Coruña), Festival de Jazz de Ponteareas, Mostra de Jazz de Rianxo, Festival
Jazz de Ría (Ferrol - Mugardos), Mila Musika Haria (Bilbao), etc.