PUERTA SUR

_IX_3071.jpg

PUERTA SUR
presentan  AZABACHE  
NOVO DISCO | NOVEMBRO 2020

 

Foi grazas a Jorge Pardo que se produciu o encontro detes tres músicos no escenario, así que Ton Risco (vibráfono), Dani Domínguez (batería) e Joan Masana (contrabaixo) botaron a andar este proxecto que abraza o jazz de temas orixinais e vísteo de ritmos flamencos nunha formación nada habitual. Agora presentan o seu primeiro disco, "Azabache", no que tamén colabora Jorge Pardo.


TON RISCO: Aínda que comezou de ben pequeno como batería, leva anos centrado no vibráfono. En 1999 licenciouse en percusión clásica e vibráfono jazz coas máis altas calificacións no Real Conservatorio da Haia (Holanda), e continuou os seu estudos en Nova York e Berlín. O seu carácter ecléctico levouno a colaborar cunha grande variedade de artistas como a Orquestra de Jazz de Galicia ou Juan Perro entre moitos outros, e a participar con diferentes formacións en festivais de todo o mundo. Na actualidade compaxina a súa faceta de músico freelance coa docencia, como profesor de percusión
no Conservatorio Profesional de Santiago de Compostela.


DANI DOMÍNGUEZ: Comezou a súa formación en Estudo Escola de Música (Santiago de Compostela) e continuou despois en Barcelona, asistindo a seminarios cos mellores baterías do momento. Xa desde os seus comezos acadou varios premios e recoñecementos por parte da crítica especializada, converténdose nun dos baterías máis solicitados do panorama jazz estatal.
Ten acompañado a músicos da talla de Bill McHenry, Ben Monder, Chano Domínguez ou Javier Colina, entre outros. Na actualidade destacan os seus traballos con Giulia Valle e Jose Carra.

 

JOAN MASANA: Graduado na Aula de Jazz de Barcelona, seguiu formándose despois con grandes mestres de contrabaixo. A raíz de trasladarse a Granada, comezou a tocar con grandes músicos de jazz e flamenco, entre os que destaca Jorge Pardo, e a colaborar en diferentes proxectos de mestizaxe.